Is vacanzasa contadas de unu predi
Cust’istadi, tra basca, penzamentu e cosa de fai
parrìada ca megà de mi scimprai
e fui penzendu propriu de partì,
ca me in Casteddu no mi dduoi sciria prus bì.
Ma de mi pasiai no tenia nixuna prospettiva,
candu mi capitada unu viaggiu in comitiva.
Che in desertu sa manna
m’arrìbada sa proposta de Arianna,
che acqua a sidi in su solleoni,
unu viaggiu me Inghilterra in torpedoni.
Paridi chi compitu miu fessidi de cunverti
una cambarada de genti chi viaggiada po si diverti
e chi dda depessi indirizzai in sa retta via
cun qualsiasi personali strategia.
E aicci, sa primu dì,
ia ciccau de studiai s’ambienti
po podi agattai una linea convergenti.
Ma nemus de Deusu s’arregodada viaggendu
e de pregai no ndi obiada mancu intendi.
Deu, po m’adattai a custa situazioni
mi seu postu cun cussusu a pari condizioni.
No chistionà de peccau e mancu de tentazioni
poita timia po no mi ponni canzoni,
su ruolu miu fudi bellu e che accabau
candu…
de mi fai considerai fradi mi seu arregodau.
Ma, tuttu su mundu a fundu in susu
appu biu furriau, candu a Londa, a unu spogliarellu
mi fui intendiu invitau!
E meno mali ca no seu andau!
E meno mali ca Nostra Signora
sa missa dda faidi balli mancai fatta a sa soba!
E deu dda fadìa bella e cantada
in sa stanza de s’albergu a potta criada.
E me Inghilterra mancai a boxi abasciada,
non m’essinti fattu pagai sa dogana.
Ma a su viaggiu de sa torrada!
Fui deu chi dirigia sa cambarada!
Nixuna preghiera potà però prus in vista
e apu cantau “ Su conti, su baroni e s’autista “
Fuanta tottus spantausu castiendu a mei
e deu, non prus predi m’intendia, ma rei!
E de essi laicu fadendu finta
mi nc’esti bessida una barzelletta spinta!
Imoi ca tottu esti finiu,
perdonaimì, Gesusu, chi apu falliu.
Unu pagu de prugadoriu m’aspettada de siguru,
ma tottu apu fattu in vista de unu futuru
e unu pagu de prugadoriu
non mi faidi certu timi
penzendu a tottus in animas chi appa redimi,
ca deu, seu siguru, cun tottu custa genti,
appa cantai Iubiate Deo, tranquillamenti!
Donaimì sa possibilidadi de fai u antru viaggeddu
e chi siada ancora prus attesu de Casteddu
cun custa cambarada bella e divertenti,
ca Deus s’agatta sempri, in dogna ambienti.
Uno dei ricordi più vivi in me è quello legato a don Efisio Spettu che avevo conosciuto in un viaggio organizzato a Londra. Aveva sostituito all’ultimo momento la guida che ci doveva accompagnare. A quei tempi era cappellano dell’ospedale oncologico di Cagliari, un sacerdote di grande spiritualità e allo stesso tempo pratico, benevolo,profondamente umano. E’ morto nel 2013. Lo ricordo sempre nelle mie preghiere